Nakatingin ako sa baybayin.
Ang daliri ay binabagtas
ang basang buhangin.
Gustong hanapin pagkakakilanlan ng pinagmulan.
Baka sakaling mabuo muli
ang watak-watak na lipunan.
Natapos na ng daliri ang pagbabaybay.
Hinalikan muli ng alon ang buhangin.
Nabura ang Baybayin, sa dagat ay sumabay.
Iuukit ko ito muli hanggang sa dulo ng aking hininga, ngunit sa aking pagkawala, may magpapatuloy pa ba ng aking gawa? - Sulat ni: Kevin Yee
Comments