Written by: sota
Art by: Jayvee Fulgencio (zerotonin)
itay, kailan ba ito matatapos?
sa puntong ito, hindi na sakit ang parusa
nagkakainan na ang aking sikmura't
tila laway nalang ang bumubuhay sa'tin
ako'y pagod na sa kakahintay
hindi natin alam kung kailan sila babalik,
kung saan sila mahahagilap
at wala na ring mga tao sa paligid
kung meron ma'y hindi tayo pinapansin
na para bang insekto lang sa daan
na walang ibang makain kundi basura,
mas magaan pa nga ang buhay sa selda
itay, magpahinga ka nalang muna
at ako naman ang gagawa ng paraan
para ika'y makaraos kahit papaano
habang ako'y nasa hantungan
Comments